أسوأ طبيب شوفته في حياتي

الدكتور أحمد الجزار - مدرس مساعد جراحة المسالك والعقم والذكورة بكلية طب جامعة الزقازيق

ياجماعة البني آدم ده لا يصلح أنه يكون دكتور ، ياريت محدش يروح عنده وياريت تفضحوه على قد ما تقدروا ، علشان الأشكال دي كترت قوي في البلد

عيادة سيئة جدا تحت السلم وعبارة عن مخزن ، والدكتور بياخد كشف 200 جنيه ولما تروح للراجل اللي بيحجز يقولك 300 جنيه تسأله ليه أنت قلت في التليفون الكشف بـــ 200 جنيه يقولك أصل فيه أشعة بـــ 100 جنيه، والمفروض أصلا في العيادات اللي بيحتاج الكشف فيها لجهاز أشعة تليفزيونية بيكون الكشف بالأشعة من ضمن تمن الكشف مش بسعر منفصل ، لكن الجديد بقى عن الدكتور أحمد الجزار دكتور المسالة البولية والتناسلية في الزقازيق ( المحترم ) يقوم طالب منك 600 جنيه كمان علشان يكشف عليك بالأشعة الأمر الذي لايحدث عند أي طبيب آخر سواء طبيب نساء أو باطنة أو قلب أو أي تخصص ، المفروض أنت واخد فلوس الكشف علشان تكشف بيها مش تطلب فلوس علشان تاني علشان تكشف وياريته جهاز أشعة كويس ، لأ ده جهاز شكله تعبان جدا وغرفة الكشف شكلها يسد النفس.

وكمان متفق مع الصيدلية اللي جنبه وبيعرض عليك ياخد منك فلوس الدواء و يجبلك الدواء من الصيدلية اللي جنبه ، وبيبيع لك حقن قال إيه موجودة بره بمبلغ كذا وهي عندي بكذا.

دي أسوأ عيادة دخلتها في حياتي وأكبر مبلغ دفعته في كشف في حياتي ، وكنت مضطر للأسف

المهم لا أنصح أي شخص بالكشف عند الدكتور ده ، ، ياريت محدش يروح عنده وياريت تفضحوه على قد ما تقدروا ، علشان الأشكال دي كترت قوي في البلد

وشوفوا تقييماته على جوجل

#الدكتور_أحمد_الجزار_أسوأ_دكتور_مسالك_في_الزقازيق